Velkomen til Ordbok API utviklingsblogg

Sidan starten av Ordbok API har prosjektet vakse frå eit hobbyprosjekt til ei fullverdig teneste med ein langsiktig visjon. På denne reisa har eg samla verdifull kunnskap og erfaring som eg gjerne vil dela med deg. Det er viktig for meg å halda fellesskapet vårt oppdatert om dei siste nyheitene og utviklinga rundt Ordbok API.

Tidlegare har eg delt informasjon og samhandla med fellesskapet vårt hovudsakleg gjennom Discord på NLL. Dette fungerte bra i startfasen då prosjektet var meir ein hobby. Men etter kvart som tida har gått, og Ordbok API har utvikla seg, har prosjektet vakse frå denne måten å kommunisera på.

Skjermbilete av diskusjon på Discord

Det er fleire grunnar til at eg har valt å starta denne bloggen:

• Auka synlegheit: Eg ynskjer å nå ut til eit breiare publikum og dela kunnskapen vår og erfaringane våre med fleire.
• Fordjuping: Bloggen gir ein meir detaljert og grundig gjennomgang av tekniske løysingar og designval. Den lèt meg utforska og forklara komplekse konsept på ein måte som er tilgjengeleg for alle.
• Samarbeid og open source kultur: Ved å dela innsikt og utfordringar ope håpar eg å inspirera til samarbeid og bidrag til fellesskapet, anten det er gjennom GitHub, diskusjonar på Discord eller andre plattformer der ein kjenner seg heime.

For dei av dykk som ynskjer å følgja med, kan de abonnera på bloggen vår via RSS, eller registrera dykk for e-postvarslar. Eg delar òg oppdateringar på Bluesky.

Sjølv om eg no lanserer ein blogg, vil eg framleis vera aktive og tilgjengelege på Discord for spørsmål og tilbakemeldingar.

Det gjeldande vegkartet til Ordbok API-prosjektet, med atterhald om endringar.

I tida som kjem, ser eg fram til å dela innsikt i dei tekniske utfordringane eg har møtt, løysingane eg har funne og korleis det skal gå. Dette vil omfatta djupdykk i nye funksjonar, innblikk bak kulissane i arbeidsprosessen min, og dessutan informasjon om planane mine for framtida.

Eg ser fram til å dela prosjektet sin reisa med dykk og håpar at informasjonen vil vera både nyttig og inspirerande. Takk for at du er ein del av fellesskapet vårt, og eg ser fram til mange spennande diskusjonar i tida som kjem.